ԵՄ-ի նոր պատժամիջոցները կազդեն ռուսական տնտեսության վրա, բայց դրա հետ մեկտեղ կազդեն նաև եվրոպական տնտեսության վրա: Այդպես է կարծում վարկանիշային Fitch գործակալության տնօրեն Չարլզ Սևիլեն:
ԱՄՆ իշխանությունները հուլիսի կեսերին նոր պատժամիջոցներ են սահմանել մի շարք ռուսական ընկերություների ու բանկերի նկատմամբ, որոնց համար փակվելու է ԱՄՆ ֆինանսական շուկա մուտքը: Ռուսաստանի դեմ պատժամիջոցների ընդլայնումը քննարկում են նաև Եվրամիությունում, այդ թվում՝ քննարկվում է էներգետիկ տեխնոլոգիաների ոլորտում արտահանումների սահմանափակման հարցը։
«Մենք չգիտենք, թե ինչպիսին կլինեն պատժամիջոցների հաջորդ չափը, բայց այն հաստատ կանդրադառնա ռուսական տնտեսության վրա: Ռուսաստանի հանդեպ օտարերկրյա ներկրողների հետաքրքրությունը արագ նվազում է, հետևաբար երկրի տնտեսությունում քիչ ներդրումներ կլինեն արտերկրից »,- ասել է նա:
Սևիլեի խոսքերով՝ տնտեսական աճը զգալիորեն նվազել է, իսկ այդ ամենը Ռուսաստանին մղում է ռեցեսիայի:
«Դրա հետ մեկտեղ, այն համաշխարհային տնտեսությունների տասնյակում է և համընդհանուր շուկայի մի մասը, այդ պատճառով նրա խնդիրները կազդեն եվրոպական տնտեսության, մասնավորապես՝ արտահանումների վրա»,- նշել է նա:
