ԱՄՆ-ն կարծում է, որ Ռուսաստանը Ուկրաինայի հետ սահմանին ավելացնում է զորքերի թիվը, լրագրողներին ուրբաթ օրը ասել է Պետդեպարտամենտի ներկայացուցիչ Մարի Հարֆը, գրում է RIA Novosti-ն:
Ավելի վաղ, ՆԱՏՕ-ում ԱՄՆ-ի դեսպան Դուգլաս Լյուստը հայտարարել է, որ ՆԱՏՕ-ի տվյալներով՝ Ուկրաինայի հետ սահմանին ռուսական 15 հազար զրնծառայողներ կան:
«Մենք տեսել ենք, որ զորքը մոտենում է սահմանին, ինչպես դա եղել է նախկինում: Ես պատճառներ չունեմ կասկածելու այդ թվերին»,- ասել է Հարֆը:
Այն հարցին, թե ԱՄՆ-ն որտեղից է հայթայթել տեղեկատվությունն այն մասին, թե Ռուսաստանը պատրաստվում է Ուկրաինայի աշխարհազորայիններին ծանր հրետանի մատակարարել և Ուկրաինան գնդակոծել է իր տարածքից, Հարֆը հրաժարվել է պատասխանել:
«Ես չեմ կարող նշել, թե որտեղից ենք մենք դա իմացել»,- ասել է նա:
Դրա հետ մեկտեղ պետդեպարտամենտը հիմքեր չունի մտածելու, թե Ուկրաինայի տարածքից կրակել են դեպի Ռուսաստանի տարածք:
«Մենք ապացույցներ չենք տեսել այն մասին, թե ուկրաինացիները կրակել են դեպի Ռուսաստանի ուղղությամբ»,- ասել է Հարֆը:
Նախօրեին ՌԴ ՊՆ-ն հայտարարել էր, որ Ռուսաստանի տարածքը 9 անգամ գնդակոծվել է Ուկրաինայի կողմից: Դրանցից մեկի ժամանակ Ռուսաստանի մեկ քաղաքացի է զոհվել: