ԱՄՆ Ինդիանա նահանգից տղամարդը ստեղծել է աղյուսակ, որում նշել է այն բոլոր դեպքերն ու պատճառները, երբ կինը հրաժարվել է սեքսից, հայտնում է UPI-ն:
Փաստաթղթում նշված են տղամարդու՝ սիրով զբաղվելու 27 փորձերը, որոնցից միայն 3-ն է հաջողությամբ պսակվել:
Դժգոհ ամուսինը իր գրանցումներով կիսվել է հերթական 10-օրյա գործուղման ուղևորվելու նախօրեին: 26-ամյա կինը ամուսնու՝ իրեն ուղարկած աղյուսակը հրապարակել է Reddit կայքում:
Տղամարդն իր նշումներն արել է 2014թ. հունիսի 3-16-ը: Կինը վերջում հավելել է, որ ինքը ամուսնու հետ ծանոթ է արդեն 5 տարի, որից 2 տարին նրանք ամուսնացած են: Նա նաև նշել է, որ իրենց սեքսուալ կյանքը միայն վերջին ամիսներին է դարձել ոչ այնքան հագեցած, ինչպես նախկինում էր:
Աղյուսակում տղամարդը հիշատակել է հրաժարումից պատճառները. «Ես հոգնել եմ», «Ես շատ եմ խմել ու շատ եմ կերել», «Ոչ», «Ես զգում եմ, որ ինձ ցնցուղ է հարկավոր»: Որոշ դեպքերում կինը նրան մերժել է առանց բացատրության: