Ամերիկյան զինված ուժերում այս տարի ինքնասպանությունների թիվն աննշան մեծացել է անցած տարվա համեմատ: Այս մասին հայտնում է ITAR-TASS-ը՝ հղում անելով ամերիկյան ԶԼՄ-ներին, որոնց տրամադրության տակ են հայտնվել Պենտագոնի նախնական տվյալները:
Ըստ այդմ՝ մինչև հուլիսի կեսեր զինված ուժերում գրանցվել է զինծառայողների մահվան 161 դեպք, որը հաստատված է կամ դիտարկվում է որպես ինքնասպանություն: Անցած տարվա նույն ժամանակահատվածում եղել է նման 154 միջադեպ: Ինքնասպանությունների թիվը մեծացել է ծովահետևակայինների շրջանում, մինչդեռ ռազմածովային և ռազմաօդային ուժերում նման դեպքերի թիվը նվազել է:
Դրան զուգահեռ՝ նախնական տվյալները ցույց են տալիս, որ 2013 թվականին ամերիկյան զինված ուժերում ինքնասպանությունների ընդհանուր թիվը, 2012-ի համեմատ, կրճատվել է՝ 319-ից դառնալով 259, այսինքն՝ մոտ 20 տոկոսով:
