Facebook ընկերությունը ավարտել է 2 մլրդ դոլարով Oculus VR վիրտուալ իրականության ակնոց մշակող ընկերությունը գնելու գործարքը: Այս մասին հայտնում է Lenta.ru-ն՝ հղում անելով ընկերությունների համատեղ հայտարարությանը:
«Մեզ գրավիչ համատեղ ապագա է սպասվում: Մենք նոր սերնդի տեխնոլոգիական հարթակ կստեղծենք և կփոխենք մարդկանց հաղորդակցության միջոցները»,- ասվում է հաղորդագրության մեջ:
Oculus VR-ը, որը մշակում է վիրտուալ իրականության Oculus Rift ակնոց, հիմնվել է 2012թ., այն ղեկավարում է հիմնադիրներից մեկը՝ Բրենդան Իրիբեն:
Oculus VR-ի մշակողները մտադիր են նաև սարքը հարմարեցնել հեռակա կրթության, բժշկի հետ խորհրդակցության կամ մարզական խաղերի հեռարձակման համար:
Սակայն ինչպես գրում է The Wall Street Journal-ը՝ շուկայի որոշ փորձագետներ կասկածանքով են վերաբերվել Oculus VR-ը գնելու Facebook-ի որոշմանը:
