Երևանի Գնունու փողոցում գտնվող շինանյութի շուկայի վաճառողների նյարդերը պրկված են: «Առաջին լրատվական»-ի հետ զրույցում վաճառողները նշում էին՝ այս տապին առավոտից երեկո կանգնում են, բայց առևտուր չկա. «Շուկայում մարդ տեսնո՞ւմ եք, մարդ ա մնացել, որ գա, երկիրը դատարկվում է, արհեստավորները արտագաղթում են»,- նշում էին շուկայում, ընգծում, որ իրենց վիճակը նման է Չիպոլինոյի արկածներին. «Մենակ հարկեր, հարկեր, անգամ օդի փող»,- զայրանում էին շուկայում ու հորդորում իշխանություններից հարցնել՝ ո՞ւր են հասարակության անդամները: Այս մարդիկ նեղ տարածքում կանգնելու համար ամեն ամիս 75 հազար դրամ են վճարում, եռամսյակը մեկ՝ հարկեր, նրանցից շատերի վճարած հարկերը հասնում են մինչև 400 հազար դրամի։ «Մեր առևտուրը գնում է տեղի փողին ու հարկերին, հացի փող ենք մի կերպ խնայում»,- ասում էին շուկայում ու բողոքում, որ հիմա էլ նոր ՀԴՄ սարքեր են պարտադրել ձեռք բերել՝ 150 հազար դրամով. «Ինչ տարբերություն հին, նոր սարք՝ նույն գործողությունն է կատարում»,- զարմանում էին շուկայում՝ հավելելով, որ չեն թողնում, որպեսզի փոքր բիզնեսը շարժ ունենա։ «Հովիկ Աբրահամյանը սկսել է մեզանից, երևի կարծում է՝ բարեկամները մենք ենք, ցույց տվեք իր բարեկամի, որ ստվերից դուրս է եկել»,- նշում էին շուկայում՝ ասելով, որ խոշորի փոխարեն իրենց հետևից են ընկած:
Առավել մանրամասն՝ տեսանյութում։
