«Առաջին լրատվական»-ի զրուցակիցն է ԱԺ ՀՀԿ խմբակցության պատգամավոր Մարգարիտ Եսայանը:
-Տիկին Եսայան, Ադրբեջանի կողմից վերջին դիվերսիոն գործողություններն ի՞նչ նպատակ են հետապնդում: Դրանք հերթական նենգ և ստոր գործողություննե՞րնեն, թե՞ պատերազմի վտանգ կա իսկապես:
–Քանի դեռ մենք ունենք միայն հրադադարի մասին պայմանագիր՝ պատերազմի վտանգ կա, քանի դեռ ամբողջական և վերջնական խաղաղության պայմանագիր չենք կնքել՝ այդ վտանգը կա:
Ադրբեջանի պահվածքը նորություն չէ: Դուք չեք կարող նշել որևէ տարի, երբ սահմանին Ադրբեջանը չի փորձել կատարել ռազմական գործողություններ, չեն կրակել, գերիներ չեն վերցրել: Վերջին շրջանում դա ավելի ակտիվացել է: Իմբացատրությունը հետևյալն է․ միջազգային հարթակում Ադրբեջանի հանդեպ վստահությունը պակասել է, միջազգային հարթակում Ադրբեջանին այլևս լուրջ չեն ընդունում, իսկ ՀՀ արտաքին քաղաքականությունը Լեռնային Ղարաբաղի հարցի վերաբերալ մշտապես եղել է ընկալելի և ընդունելի միջազգային կառույցների կողմից՝ և՛ Մինսկի խմբի,և՛բոլոր այն կառույցներիկողմից, որոնք շահագրգռված են այս տարածաշրջանում խաղաղության վերջնական ապահովմամբ: Նրանց մնում է սահմանին նմանատիպ դիվերսիոն գործողություններ անել, նրանք չունեն այլևս վստահություն և դիմում են նմանատիպ քայլերի: Բայց մեր տղաները, մեր բանակը միշտ պատարստ են եղել հակահարված տալու, էլի ենք տալու, ավելի ուժեղ ենք տալու, որովհետև մեր թշնամին գնալով ավելի ու ավելի սանձարձակ է դառնալու:
–Հնարավոր պատերազմի դեպքում ինչքանո՞վ կարող ենք հույսը մեր ռազմավարական գործընկերոջ՝ Ռուսաստանի վրա դնել՝ հաշվի առնելով նաև այն գործարքը, որ 1,5տարի առաջ եղավ: Մեր նախագահն էլ վերջերս արգենտինական թերթերից մեկին տված հարցազրւոյցում այդ կապակցությամբ իր մտահոգությունը հայտնեց:
–Մենք ընդհանրապես հույսներս ոչ մեկի վրա չպետք է դնենք՝ո՛չ մեր ռազմավարական գործընկերների, ոչ էլ ոչ ռազմավարական: Մենք՝ որպես անկախ պետութուն,հույսը պետք է դնենք մեր բանակի, մերզինվորների,մեր ժողովրդի վրա: Իսկապես,շատ մտահոգիչ է Ռուսաստանի կողմից զենքի վաճառքը Ադրբեջանին.այս մասին ՀՀ նախագահը շատ հստակ ասաց, ես կարծում եմ՝հակառակ կողմն էլ այս հայտարարությունից հետո պետք է հետևություններ անի:
–Այդ գործարքը Ռուսաստանի և Ադրբեջանի միջև տեղի է ունեցել 1,5 տարի առաջ, իսկ Սերժ Սարգսյանն այդ մասին հիմա է բարձրաձայնում: Նախկինում պարզապես նշվում էր, որ դա երկու երկրների միջև բիզնես գործարք է,և մենք անհանգստանալու կարիք չունենք:
-Իրականում այո՛, դա գործարք է, յուրաքանաչյուր պետություն ազատ է և՛ առևտրային, և՛ քաղաքական գործարքներոմ:Որևէ պետություն՝ նույնիսկ ռազմավարական գործընկերը,չի կարող պարտադրել, ստիպել որևէ քայլ իրականացնել:
Ինչո՞ւայսօր: Ես էլ հակադարձեմ Ձեզ՝ իսկ ինչո՞ւ ոչ այսօր…Ուրեմն այս պահին պետք էր դա հայտարարել: Արտաքին քաղաքականության ոլորտում ՀՀ նախագահի բոլոր քայլերը ես համարում եմ անսխալական:
Հարցազրույցն ամբողջությամբ՝ մեր տեսանյութում:
