Այսօր Տավուշի մարզի ընդհանուր իրավասության դատարանում, դատավոր Զոյա Զաքինյանի նախագահությամբ, շարունակվեց 2013-ի մայիսի 15-ին Նոյեմբերյանի N զորամասում զինծառայող Լյուքս Ստեփանյանի սպանության գործով դատական նիստը:
Այսօր դատարանում մեծ աղմուկ բարձրացավ այն բանից հետո, երբ ամբաստանյալ Դավիթ Խաչատրյանի պաշտպան Վաղինակ Գևորգյանը հայտնեց, որ իր պաշտպանյալը ի վիճակի չէ դատական նիստին մասնակցել:
Լյուքս Ստեփանյանի մայրը՝ Լուիզա Ստեփանյանը, հուզված նշեց. «Էսքան ժամանակ, երեկ մոտն ես եղել, ինչ ես մտածել, թող մտածեր, առողջությունը վերանայեր: Էդ ձեր շունչն ա, որ նա հիվանդ ա, էդ բերան կարելը ձեր ձեռքի գործն ա»:
Վաղինակ Գևորգյանն էլ հակադարձեց՝ ինչ արել է, լավ է արել, ձեր ինչ գործն է:
Լուիզա Ստեփանյանն էլ հակադարձեց. «Միևնույն է, խարանը ճակատից չես ջնջելու, միևնույն է մնալու ես Լյուքսին սպանողը»: