Ինգուշեթիայում աշխատակիցները քարանձավ են հայտնաբերել, որտեղ ենթադրաբար կարող էր թաղված լինել վրաց Թամար թագուհին: Արդեն քարանձավ է ժամանել հանրապետության ղեկավար Յունուս-Բեկ Եվկուրովը, ով հրամայել է հետազոտել քարանձավը և այն հսկողության տակ վերցնել:
Թամարան 12-րդ դարի առաջին վրաց թագուհին էր, ում հայրը՝ Գեորգ Երրորդը անձամբ է թագադրել 14-ամյա դստերը՝ հաղորդում է ITAR-TASS-ը:
Լեգենդար թագուհու գերեզմանը Գելատիում գտնվող թագավորական դամբարանն է, բայց նրա մարմինը այնտեղ չի հայտնաբերվել: Ըստ առասպելի, Թամարը հրամայել էր գաղտնի պահել իր հուղարկավորության վայրը, որպեսզի իր կողմից մերժում ստացած թուրք սուլթան Նուկարդին չկարողանա իրեն հասնել մահվանից հետո:
Մասնագետների կողմից հայտնաբերված գերեզմանը թվագրվում է միջնադարով: Հայտնի է, որ թաթար-մոնղոլների արշավանքների հետևանքով Ինգուշեթիայի ողջ բնակչությունը ստիպված է եղել քաղաքներից հեռանալ նախալեռներ ու լեռներ: Եթե նույնիսկ դամբարանը Թամար թագուհունը չէ, այնուամենայնիվ հնագետները կարող են մի շարք արժեքավոր տեղեկություններ ստանալ դրանից:
