Օքսֆորդի համալսարանի քաղաքական և միջազգային հարաբերությունների ամբիոնի վարիչ Նեյլ Մաքֆարլեյնը APA-ին կարծիք է հայտնել, որ ԱՊՀ տարածքում ԱՄՆ նոր քաղաքականության ակտիվացման հեռանկարներ չկան:
Նա կարծում է, որ ներկայումս Արևմուտքի երկրները ավելի շատ զբաղված են իրենց ներքին խնդիրներով, և արտաքին քաղաքականությունն ուղղված է ավելի շատ արաբական աշխարհին, իսկ տարածաշրջանում` Ռուսաստանի հետ հարաբերությունների կարգավորմանը: Եվ այս առումով Nabucco-ի հետ կապված զարգացումները ոչինչ չեն փոխի:
Ինչ վերաբերում է ղարաբաղյան հակամարտության կարգավորմանը, ապա այստեղ կա Մոսկվա-Վաշինգտոն համագործակցության հեռանկար, և երկու երկրները տիրապետում են խնդրի մասին ողջ տեղեկատվությանը:
Մաքֆարլեյնը կարծում է, որ տարածքային ամբողջականության և ազգերի ինքնորոշման սկզբունքների տարբերությունները հաճախ սխալ են ընկալվում:
«Տարածքային ինքնորոշման սկզբունքը վերաբերում է ոչ թե մի երկրի ներսում մեծամասնության և փոքրամասնության, այլ միջպետական հարաբերություններին: Ինքնորոշման մասին իրավական քննարկումները ազգի կողմից տարվում են սեփական ապագան որոշելու համար: Միջազգային իրավունքում չկա պետության կազմից դուրս գալու մասին ոչ մի բան, բացառությամբ գաղութատիրության ու մարդու իրավունքների խախտման դեպքերի: Եթե կա պետության սահմաններում ինքնորոշման հնարավորություն, ապա իրավագետների զգալի մասը կկարողանան ապացուցել, որ ինքնորոշումը իրավունք չի տալիս դուրս գալ երկրի կազմից: Փակուղուց դուրս գալու համար մադրիդյան սկզբունքները այնքան էլ վատը չեն»,- ասել է Մաքֆարլեյնը:
