ՊԵԿ-ի կողմից մոնիտորինգի ենթարկվող 343 խոշոր հարկ վճարողների կողմից ներմուծման ծավալները այս տարվա դեկտեմբեր ամսին, նախորդ տարվա նույն ամսվա համեմատությամբ, աճել են 23.2%-ով և կազմել 78.7 մլրդ դրամ:
Այս մասին ասվում է ՊԵԿ-ի այսօրվա հրապարակման մեջ: Ընդ որում` ներմուծման ծավալները աճել են 121 կազմակերպությունների մոտ շուրջ 29.8 մլրդ դրամով և նվազել` 81-ի մոտ, համապատասխանաբար` 14.7 մլրդ դրամով:
Արտահանման ծավալները 2010թ.-ի դեկտեմբերին կազմել են 27.5 մլրդ դրամ` նախորդ տարվա նույն ամսվա 19.7 մլրդ դրամի փոխարեն կամ ավել են 7.8 մլրդ դրամով (39.6%):
