Կանադացի սահմանապահները ձերբակալել են երկու ամերիկացու՝ մեքենայով 6 շոկոլադե ձվերի ապօրինի տեղափոխման համար: Այդ քաղցրավենիքի տեղափոխումը Կանադայից ԱՄՆ արգելված է, ինչի համար նախատեսված է խոշոր տուգանք` շոկոլադե մեկ ձվի դիմաց 2500 դոլար տուգանք: Այս մասին հաղորդում է Associated Press-ը:
Դեպքը տեղի է ունեցել, երբ Բրենդեն Լուն և Քրիստոֆեր Սուինին Վանկուվերից վերադառնալիս են եղել հայրենի Սիեթլ: Ճանապարհին նրանք որոշել են հարազատների և ընկերների համար որպես հուշանվեր ինչ-որ բան գնել: Տղամարդկանց ընտրությունը կանգ է առել քաղցրավենիքի վրա: Նրանք գնել են շոկոլադե 6 հավկիթներ և դրանք դրել մեքենայի ետևի նստելատեղին:
Երբ նրանք մոտեցել են հսկիչ-անցագրային կետին, սահմանապահ ծառայության աշխատակիցը ուսումնասիրել է մեքենան և նկատելով հավիթները՝ հայտնել, որ նրանք օրենք են խախտում: Դրանց տեղափոխումն արգելված է, քանի որ խաղալիքի տուփի մեջ կարող է լինել թմրանյութ` դրված սահմանապահների կողմից:
Լուն և Սուինին 2,5 ժամ անցկացրել են ոստիկանությունում, որից հետո նրանց առանց տուգանելու ազատ են արձակել՝ բավարարվելով միայն բանավոր նախազգուշացմամբ: Ամերիկացիները իրենց մտահոգությունն են հայտնել առ այն, որ սահմանապահները ոչ միայն իրենց, այլև մյուս վարորդների ժամանակն անխնա ծախսել են՝ կանգնեցնելով նրանց հերթում:
