Թունիսի իշխանություններն ուրբաթ օրը չեղյալ են հայտարարել պարեկային ժամը, որը սահմանվել էր երեք օր առաջ՝ երկրի 8 շրջաններում, երբ իրավիճակն անվտանգության առումով այնտեղ «զգալիորեն վատացել էր»։ Այս մասին հաղորդում է France Presse գործակալությունը՝ հղում անելով տեղի ՆԳՆ հայտարարությանը:
Նշվում է, որ պարեկային ժամի ռեժիմը հանվել է «հանուն քաղաքացիների շահերի ապահովման», ինչի մասին Թունիսի ՆԳՆ ղեկավարությունը որոշում է ընդունել պաշտպանության նախարարության հետ խորհրդակցելուց հետո:
Քաղաքացիների տեղաշարժը սահմանափակելու մասին որոշումն ընդունվել էր հունիսի 12-ին: Այն վերաբերում էր երկրի 8 շրջաններին, այդ թվում՝ մայրաքաղաքին:
Վերջին օրերին Թունիսում չեն դադարում բախումները մուսուլման սալաֆիների և տեղի սովորական խուլիգանների միջև, որոնք հարձակվել էին ոստիկանության ստորաբաժանումների, պետական հաստատությունների, քաղաքական կուսակցությունների գրասենյակների վրա:
Անհանգստությունների ալիքի պատճառ էր հանդիսացել հունիսի 2-10-ը Թունիսի արվարձաններից մեկում տեղի ունեցած ցուցահանդեսը, որի բովանդակությունն իսլամիստների կարծիքով վիրավորական էր մուսուլմանների համար:
