Յակուտսկում «Եվրոպա» զվարճանքի կենտրոնում տեղի ունեցած ընդհարման ժամանակ վիրավորվել է հինգ մարդ: Այս մասին հունիսի 12-ին հաղորդում է Sakha News պորտալը:
«Եվրոպայում» բախումը տեղի է ունեցել հունիսի 11-ի առավոտյան: Հայաստանից մեկնած հինգ եղբայրները բախվել են տեղի 10-15 բնակիչների հետ: Ընդհարումը սկսվել է զվարճանքի կենտրոնում և շարունակվել փողոցում: Ավտոմեքենայի մեջ եղբայրներին սպասել է հայրը: Տեսնելով կռիվը` նա եղբայրների հակառակորդներին սպառնացել է վնասվածքային զենքով և կրակել է օդ: Երբ դա ազդեցություն չի ունեցել, տղամարդն ուղիղ կրակ է բացել:
Արդյունքում հինգ տեղի բնակիչներ վիրավորվել են: Նրանք հիվանդանոց են հասցվել, սակայն վնասվածքները թեթև են, և տուժածները շուտով տուն են վերադարձել:
Новый регион պարբերականը տեղեկացնում է, որ հունիսի 10-ին Յակուտսկում կանխվել է Ադրբեջանի քաղաքացիների միջև զանգվածային մի բախում: Ձերբակալվել է կռվի 41 մասնակից, հինգ մարդ հոսպիտալացվել է:
