«Քաղաքացիական հասարակության ինստիտուտը» շարունակում է իրավական շտապ օգնության մեքենաներով շրջել ՀՀ բոլոր մարզերի ընտատարածքներում։ Ինչպես հաղորդում է hra.am-ը, ժամը 19:20-ի դրությամբ 30 մեքենաներն այցելել են 440-ից ավելի տեղամասեր։ Իսկ 080-080-804 թեժ գծին ստացված ահազանգերը 140-ն են։
Փաստաբան Լիպարիտ Սիմոնյանը Գյումրիից հայտնել է, որ ՔՀԻ դիտորդը 34/04 ընտրատեղամասում ժամը 19:00-ի դրությամբ արձանագրել է, որ քվեատուփերը փակված և կնքված չեն։
Նա դիմել է հանձնաժողովի նախագահին, սակայն վերջինս հրաժարվել է արձանագրություն կազմել և խախտումը վերացնել։ Նա նաև հրաժարվել է ընդունել դիտորդի գրավոր դիտարկումը, ինչը տեսանկարահանվել է ՔՀԻ դիտորդի և լրագրողի կոմից։Սիմոնյանը փաստի վերաբերյալ հաղորդում է ներկայացրել ոստիկանություն։
Մեկ այլ արտառոց դեպք է գրանցվել Աշոցքի 33/19 ընտրատեղամասում։ Քվեարկության ողջ ընթացքում ծրարները քվեատուփը գցելուց առաջ կնքվել են սխալ կնիքով։ ԿԸՀ-ի կնքիների փոխարեն օգտագործվել են անհատական կնիքներ։ Այս փաստն արձանագրել և թեժ գծին են հայտնել ՔՀԻ դիտորդները։
