Հայաստանի Մարդու իրավունքների պաշտպանի գրասենյակը ժամը 08.00-18.30-ն ընկած ժամանակահատվածում «թեժ գծին» 163 զանգ է ստացել: «Առաջին լրատվական»-ի հետ զրույցում այս մասին տեղեկացրեց ՄԻՊ գրասենյակի տեղեկատվության և հասարակայնության հետ կապերի բաժնի պետ Նաիրա Կարմիրշալյանը:
Նրա տեղեկացմամբ՝ զանգերի մեծ մասը վերաբերել է անձնագրերից թանաքի ցնդելուն, բաժանվող ընտրակաշառքներին, զանգվածային կուտակումներին: «Առավել քիչ տոկոս են կազմել երթուղային տաքսիները ոչ իրենց նշանակությամբ օգտագործելու, դրանցով ընտրատեղամասեր մարդկանց տեղափոխելու մասին զանգերը: Զանգեր ստացվել են նաև ընտրատեղամասեր լրագրողների մուտքը խոչընդոտելու առնչությամբ, սակայն բոլոր այս դեպքերը ՄԻՊ գրասենյակի միջամտությամբ հարթվել են»,- ասաց Ն. Կարմիրշալյանը:
