Ֆրանսիայի նախագահի թեկնածու սոցիալիստ Ֆրանսուա Օլանդն իր ընտրվելու դեպքում մտադիր է արդեն իսկ կիրակի օրը խոսել Գերմանիայի կանցլեր Անգելա Մերկելի հետ, ով չի կիսում Օլանդի մտադրությունը ԵՄ բյուջետային պայմանագիրը փոխելու վերաբերյալ, հաղորդում է France Press գործակալությունը՝ հղում անելով խորհրդարանում սոցիալիստական խմբակցության ղեկավար Ժան-Մարկ Էյրոյին:
Ընտրության նախնական պաշտոնական արդյունքները հայտնի կդառնան կիրակի օրը՝ ժամը 20.00-ից սկսված: Սոցհարցումների տվյալներով՝ Օլանդը կարող է շրջանցել Սարկոզիին երկրորդ փուլում ևս:
§Կարծում եմ, արդեն իսկ այսօր՝ երեկոյան, ֆրանսուա Օլանդը, եթե ընտրվի նախագահ, կխոսի Գերմանիայի կանցլերի հետ¦,- Նանտ քաղաքում քվեարկությունից հետո լրագրողներին ասել է Էյրոն:
Ֆրանսիական ԶԼՄ-ների տեղեկություններով Էյրոն, Օլանդի ընտրվելու պարագայում, վարչապետի պաշտոնին հավակնող թեկնածուներից մեկն է:
