Ինչպես գրում է Daily Mail-ը, աշխարհի ամենամաքուր կատուն բնակվում է Հարավաֆրիկյան Հանրապետությունում: Սև կատուն շուրջ 2 ժամ մնացել է ավտոմատ լվացքի մեքենայում:
63-ամյա Քերին Բեննեթը միացրել է լվացքի մեքենան և գնացել փնտրելու անհետացած կատվին: Երկարատև փնտրտուքը ցանկալի արդյունք չի տվել: Կինը նույնիսկ կատվի մասին հարցուփորձ է արել հարևաններին, սակայն՝ ապարդյուն:
Եվ միայն 2 ժամ անց տանտիրուհին լվացքի մեքենայից լսել է իր Թաբիթայի ծանոթ մլավոցը: Սարքին մոտենալով՝ նա լվացքի մեքենայի դռնից այն կողմ տեսել է կատվի վախեցած մռութիկը:
Կինը ևս վախեցել է և նույնիսկ կանչել է հարևանին, որից հետո նրանք բացել են մեքենայի դուռն ու այնտեղից դուրս բերել կատվին:
Տանտիրուհին կատվին տարել է անասնաբույժի մոտ, որը հեռացրել է նրա ականջներում կուտակված ջուրը: Բարեբախտաբար, կատվի կյանքին վտանգ չի սպառնում:
