ՀՀԿ համամասնական ցուցակի 182-րդ տեղում և մեծամասնական ընտրակարգով թիվ 33 ԸՏ-ում պատգամավորության թեկնածու առաջադրված Աշոտ Աղաբաբյանին (Բուռնաշ) 100%-ով պատկանող «Հրազդան կ/մ» ՓԲԸ-ն և «Եվրոպարկ» առևտրի կենտրոնն անցած տարի ապահովել են 826 մլն դրամ եկամուտ: ՀՀԿ-ական պատգամավորի բյուջեն համալրվել է նաև Աժ աշխատավարձով՝ մոտ 3 մլն դրամ:
ԿԸՀ-ից «Առաջին լրատվական»-ին տրամադրված գույքի և եկամուտների հայտարարագրից տեղեկանում ենք, որ 2012 թ. մարտի 1-ին նրա բանկային հաշվին եղել է 200 մլն դրամ գումար:
Աշոտ Աղաբաբյանը Երևանի Հասրաթյան փողոցում ունի 3 բնակարան (227.6 քմ մակերեսով), Շիրակի Աշոցք գյուղում՝ վարչական շենք (454.7 քմ), Շիրակի Ամասիա գյուղում՝ հյուրանոց (329 քմ) և բնակելի տուն՝ Գյումրիում (142.8 քմ): Նրա ավտոպարկում կան 5 ավտոմեքենաներ՝ «Տոյոտա Սեքվոյա» (2005 թ.), «Մերսեդես S500» (1997 թ.), «Պորշ KN» (2005 թ.), «Մերսեդես G55-AMG» (2007 թ.), «Ռենջ-Ռովեր sport» (2007 թ.):
8 մլն դրամը գերազանցող որևէ գույք Ա. Աղաբաբյանը չի հայտարարագրել:
