ԱՄՆ-ում Sony ընկերությունը վաճառքի է հանել SmartWatch ժամացույցներ, որոնք օժտված են SMS հաղորդագրությունները ցույց տալու գործառույթով: Ժամացույցի գինը 149,99 դոլար է: Այս մասին տեղեկացնում է lenta.ru-ն:
Ժամացույցներն աշխատում են Android համակարգով: Bluetooth-ի միջոցով սմարթֆոնն ու ժամացույցը կապ են հաստատում: Առանց գրպանից կամ պայուսակից սմարթֆոնը հանելու` ժամացույցի տերը կարող է SmartWatch-ի էկրանին կարդալ հաղորդագրությունները, էլեկտրոնային նամակները, թերթել մուտքային և ելքային զանգերի ցանկը և այլն: Բացի դրանից` SmartWatch-ի միջոցով հնարավոր է կառավարել հեռախոսի տեսախցիկն ու նվագարկիչը: Երբ բջջայինին զանգ է գալիս, ժամացույցը տատանվում է:
SmartWatch-ն ունի 1,3 դյույմանոց OLED սենսորային էկրան` 128/128 պիքսել թողունակությամբ: Առանց վերալիցքավորման այն կարող է աշխատել 4 օր: Ռետինե կապիչով SmartWatch-ը կշռում է 15,6 գրամ:
