ՌԴ արտգործնախարար Սերգեյ Լավրորվը հայտնել է, որ ՄԱԿ-ի Անվտանգության խորհրդի կողմից քննարկվող Սիրիայի մասին որոշումը չի պարունակում ոչ մի վերջնագիր կամ սպառնալիք: Այնտեղ չկա ոչ մի վերջնագիր կամ սպառնալիք, հետագա քայլերը պետք է քննարկվեն»,- ասել է Լավրովը:
Անցած շաբաթ ՄԱԿ-ի Անվտանգության խորհուրդը հանդես է եկել հայտարարությամբ, որում հավանության է արժանացրել ռազմական գործողությունները ապրիլի 10-ին դադարեցնելու մասին Դամսկոսի հայտարարությունը: Այս որոշման քննարկումները Անվտանգության խորհուրդը սկսել է երեքշաբթի: Ինչպես նշվում է փաստաթղթում` Սիրիայի իշխանություններից պահանջվում է ՄԱԿ-ի և Արաբական երկրների լիգայի հատուկ պատվիրակ Քոֆի Անանի ծրագրով ստանձնած պարտավորությունների կատարում: Չկատարման դեպքում ՄԱԿ-ի Անվտանգության խորհուրդը կձեռնարկի այլ բնույթի քայլեր:
Սիրայում մեկ տարուց ավելի է՝ չեն դադարում հակակառավարական ելույթները: Ամեն օր լուրեր են հասնում խաղաղ քաղաքացիների և ուժային կառույցների ներկայացուցիչների սպանությունների մասին: ՄԱԿ-ի տվյալներով՝ այս ընթացքում զոհերի թիվը մոտ 9 հազար է:
