ՄԱԿ-ի Անվտանգության խորհուրդը հինգշաբթի օրը հայտարարություն է հրապարակել, որում հավանության է արժանացրել մինչև ապրիլի 10-ը Սիրիայում զինված գործողությունները դադարեցնելու պահանջները։
«Սիրիայից պահանջվում է անմիջապես կատարել այն պարտականությունները, որոնք նախատեսված էին ՄԱԿ-ի և ԱՊԼ–ի հատուկ պատվիրակ Քոֆի Անանի ծրագրում»,- նշվում է հայտարարության մեջ:
Երկուշաբթի օրը Քոֆի Անանը հայտարարել էր, որ Դամասկոսն ընդունել է այն առաջարկը, որ մինչև ապրիլի 10-ը պետք է սկսի ուժի մեջ մտնել Անանի ծրագիրը՝ Սիրիայում իրավիճակը կարգավորելու համար:
ՄԱԿ-ի նախկին գլխավոր քարտուղարի ծրագիրը նախատեսում է սիրիական իշխանությունների և ընդդիմության կողմից մի շարք պարտականություններ, մասնավորապես՝ դադարեցնել ռազմական բռնության կիրառումը և հումանիտար օգնության ուցաբերել բոլոր տուժածներին:
Հիշեցնենք, որ Սիրիայում մեկ տարուց ավել է, ինչ չեն դադարում հակակառավարական ելույթները: Ամեն օր լուրեր են ստացվում ինչպես խաղաղ բնակչության, այնպես էլ ուժային կառույցներում ծառայող մարդկանց զոհվելու մասին:
