Գերմանացի գիտնականները պարզել են, որ տղամարդկանց մեծ ու կլոր փորի գոյացման գլխավոր պատճառն ամենևին էլ գարեջուրը չէ, չնայած այն իր հերթին նպաստում է քաշի ավելացմանը: Գերմանացի մասնագետների թիմը 4 տարվա ընթացքում հետազոտել է 20 հազար մարդկանց քաշը, վերցրել նրանց ազդրերի և իրանի չափսերը, ինչպես նաև գրանցել նրանց սննդակարգը և օգտագործվող գարեջրի քանակը:
Հետազոտությունների արդյունքները ցույց են տվել,որ գարեջրի հաճախ օգտագործումը մեծ դերակատարում ունի քաշի ավելացման գործում, սակայն գարեջրից ավելացած քաշը չի «կենտրոնանում» ստամոքսի և որովայնի հատվածում:
Չեխ գիտնականները դեռևս 2003 թվականին հայտարարել էին, որ գարեջրի օգտագործումը ինքնին չի նպաստում քաշի ավելացմանը: Գերմանացի մասնագետները պնդում են, որ «չեխական տեսությունը» թերի է:
