Շատ երեխաներ տարօրինակ սննդակարգ ունեն, բայց այս տղայի համար ցանկացած կերակուր կդառնա կյանքի ու մահվան հարց:
Daily Mail-ը հաղորդում է, որ Նյու Յորքում ապրող 9-ամյա Ջոշուան տառապում է հազվադեպ հանդիպող հիվանդությամբ, որը կոչվում է eosinophilic esophagitis: Սա նշանակում է, որ նա ալերգիկ է գրեթե ցանկացած ուտելիքի նկատմամբ:
Անգամ կերակրի հոտը կարող է նրա համար մահացու լինել: Տղայի հայրն ասում է, որ ամենացավալին իր համար այն է, որ որդին չի կարող ուտել այն, ինչ ընտանիքի մյուս անդամներն են ուտում:
Ջոշուան միայն կարողանում է մանկական սնունդ ուտել, մնացած վիտամինները ստանում է բժիշկների նշանակած հատուկ դեղամիջոցներով: Տղայի մոր խոսքերով` իրենք չգիտեն, թե ինչ կլինի որդու հետ ապագայում, քանի որ այժմ տղայի ապրած ամեն օրն ուղղակի հրաշք է:
