ՀԴԲ-ի տնօրեն Քեշ Փաթելը նախատեսում է այս տարվա հոկտեմբերին (հավանաբար հոկտեմբերի 14-15-ին) այցելել Ռուսաստան՝ Մոսկվա և Սանկտ Պետերբուրգ, ՌԴ Անվտանգության դաշնային ծառայության (ФСБ) հրավերով։
POLITICO-ի փոխանցմամբ՝ սա կլինի ՀԴԲ ղեկավարի կողմից ԱՄՆ-ի գլխավոր հակառակորդներից մեկին կատարվող առաջին նման բարձրաստիճան այցը տարիների ընթացքում։
Այցը նախատեսվում է Վաշինգտոնի և Մոսկվայի միջև Ուկրաինայում պատերազմի շուրջ շարունակվող լարվածության ֆոնին, մինչ ամերիկացի օրենսդիրները պահանջում են նոր խիստ պատժամիջոցներ կիրառել Ռուսաստանի դեմ։
Այցի օրակարգն ու Վլադիմիր Պուտինի կամ բարձրաստիճան այլ պաշտոնյաների հետ հնարավոր հանդիպման մանրամասները դեռևս հստակեցված չեն, իսկ Կոնգրեսում որոշ շրջանակներ արդեն իսկ մտահոգություն են հայտնել Փաթելի ուղևորությունների և պետական ռեսուրսների հնարավոր չարաշահման վերաբերյալ:
