Շվեդիայի արքայադուստր Վիկտորյան և նրա ամուսինը՝ Դանիել Վեստլինգը, ծնողներ են դարձել:
Վիկտորյան, որն իր հղիության մասին հայտարարել էր 2011 թ. օգոստոսին, դուստր է լույս աշխարհ բերել,- տեղեկացնում է The Local` վկայակոչելով արքայազն Դանիելի հայտարարությունը:
Երեխան ծնվել է փետրվարի 23-ին: Այս պահին նորածինն ու իր մայրիկն իրենց լավ են զգում: Վեստլինգներն իրենց առաջնեկի անունը դեռ չեն հայտարարել:
Արքայադուստր Վիկտորյան Ստոկհոլմի հիվանդանոց էր տեղափոխվել փետրվարի 22-ին: Իսկ թե երբ Վիկտորիան նորածնի հետ դուրս կգրվի հիվանդանոցից՝ դեռ հայտնի չէ:
Հիշեցնենք, որ Վիկտորյա և Դանիել Վեստլինգներն ամուսնացել էին 2010 թ. հունիսի 19-ին:
