«Ժողովուրդ»-ը գրում է, որ ԵԽԽՎ վերջին նիստում արդեն նախկին պատգամավոր, այժմ ԵԽԽՎ-ում հատուկ կարգավիճակ ունեցող Գորան Լինդբլանդը, ով հայտնի էր որպես ադրբեջանամետ, ադրբեջանական լոբբիի ակտիվ քարոզիչ, հայաստանյան պատվիրակության ղեկավար Դավիթ Հարությունյանին մեղադրել է իրեն կաշառելու փորձերի մեջ:
«Ժողովուրդ»-ի աղբյուրների փոխանցմամբ՝ նախկին պատգամավորը Հարությունյանին մեղադրել է նրա իսկ ներկայությամբ՝ ասելով, որ հայ պատգամավորը փորձել է իրեն կաշառել, որպեսզի ինքը զբաղվի հայկական լոբբիով:
Երեկ մեկնաբանությունների համար թերթը զանգահարել է պարոն Հարությունյանին, սակայն վերջինս, պատճառաբանելով զբաղվածությունը, անգամ չի լսել հարցն ու արագ դրել է լսափողը: