Անձնական չեքը, որն Աբրահամ Լինքոլնը գրել էր իր սպանությունից մեկ օր առաջ, հայտնաբերվել է Օհայոյի բանկի կողմից:
Հաղորդվում է, որ Huntington բանկի գլխավոր գրասենյակում ևս 70 չեք է հայտնաբերվել, որոնք ստորագրվել են Ջորջ Վաշինգտոնի, Չարլզ Դիկենսի, Թոմաս Էդիսոնի կողմից:
Ինչպես հաղորդում է Associated Press-ը, այդ չեքերը պահվել են պահոցում՝ սկսած 1983 թվականից: Բանկի աշխատակիցներից մեկն է անցյալ տարի հին տուփերի մեջ գտել այս արժեքավոր չեքերը: Huntington-ի պաշտոնյաները սկսել են ցուցադրել չեքերից մի քանիսը, որոնք ունեն մեծ պատմական արժեք:
Լինքոլնի անձնական չեքը գրվել է 1865 թվականի ապրիլի 13-ին` իր սպանությունից մեկ օր առաջ: Այս 800 դոլարի չեքը այժմ արժե 25000 դոլար, Վաշինգտոնի գրած չեքը՝ 10000 դոլար, իսկ Թոմաս Ջեֆերսոնի 1793 թվականին գրած 22.69 դոլարի չեքը այսօր արժե 6000 դոլար:
