Արդեն 13 տարի է, ինչ մարդիկ կարողանում են սուզվել Ատլանտյան օվկիանոսի հատակը` «Տիտանիկ» նավի մնացորդները տեսնելու համար: Բայց այժմ` նավի խորտակումից հարյուր տարի անց, անցկացվող հետազոտությունները մոտենում են իրենց ավարտին:
Ռոբ Մաքկալումը, ով աշխատում է ծովային հետազոտական ընկերությունում, որն ավելի քան 150 մարդ է իջեցրել օվկիանոսի հատակը` Տիտանիկը տեսնելու համար, պատմել է իրենց ստորջրյա ուղևորության մասին։ Նա ներկայացրել է որոշ լուսանկարներ և հայտնել, որ այս տարի կանցակցվեն վերջին ուղևորությունները: Մաքկալումն ասել է, որ արդեն իսկական ժամանակն է, որ իրենք թույլ տան նավին հանգիստ մնալ օվկիանոսի հատակում:
Նա հայտնել է, որ արշավների համար իրենք աշխատում են PP Shirshov Institute of Oceanology-ի հետ: Նրանք օգտագործում են Mir ջրասուզակները, որոնք հնարավորություն ունեն իջնել մինչև 20000 ոտնաչափ խորություն ունեցող տարածքներ:
Վերջին տասնամյակի ընթացքում ընկերության կազմակերպած արշավների միջոցով ավելի քան 150 մարդ կարողացել է տեսնել նավի մնացորդները` չնայած որ նման ուղևորոությունն արժե 59000 դոլար: Այդ մարդկանց թվում եղել են ուսուցիչներ, գործարարներ, գիտնականներ, պատմության փորձագետներ և երբեմն՝ խորտակումից հետո ողջ մնացածների զավակներ:
Բայց 13 տարի անց, 2012 թվականը կլինի վերջին տարին, որ նման ուղևորություններ կանցկացվեն:
