Իշխանությունները հայտնում են, որ արմատական իսլամիստական խմբի զինված ներկայացուցիչները երեքշաբթի օրը կրակ են բացել Նիգերիայի հյուսիս-արևելքում գտնվող գարեջրատանը` սպանելով 8 մարդու, որոնցից 4-ը ոստիկաններ են եղել:
Associated Ppress-ը հաղորդում է, որ դեպքը տեղի է ունեցել այն բանից հետո, երբ Boko Haram անունով խումբը խոստացել էր հարձակվել Նիգերիայի մուսուլմանական հյուսիսային շրջանում բնակվող քրիստոնյաների վրա:
Խումբը կառավարության կողմից մեղադրվում է մեկ շաբաթվա ընթացքում առնվազն 63 մարդու սպանության մեջ:
Երեքշաբթի երեկոյան հարձակում է տեղի ունեցել Յեբե նահանգի Պոտիսկում քաղաքում: Տեղական ոստիկանության ներկայացուցիչ Տանկո Լաուանն ասել է, որ 6 զինված մարդիկ սկսել են կրակել, երբ գարեջրատան այցելուները սկսել են գարեջուր խմել: Գարեջուր խմելը տեղի օրենքներով արգելվում է, բայց գարեջրատները, միևնույն է, բաց են այցելուների համար:
