Կապիկին կարելի է կարդալ սովորեցնել, իսկ շանը` ավտոմեքենա վարել: Այս խոսքը կապիկից առաջ ապացուցել է Վուդլի անունով երկու տարեկան շունը, որին վերջերս նկատել էին Լոնդոնի ավտոբուսներից մեկի ղեկին:
Ինչպես հայտնում է ИТАР-ТАСС գործակալությունը, ջամեն կուլ տեսակի «վարորդի» հայացքը ուղղված էր առաջ` շարժման ուղղությամբ, առջևի թաթերով նա վստահորեն բռնել էր «ղեկը»: Վուդլին կենտրոնացած էր և զգում էր իր առաքելության կարևորությունը: Շան կողքին նստած էր նրա տերը` Ռիչարդ Մաքքորմիքը, որը երկար տարիներ աշխատել է որպես ավտոբուսի վարորդ:
Այս դեպքից հետո Ռիչարդը ստիպված էր պատասխանել լրագրողների և ականատեսների հարցերին, թե ինչպես է Վուդլին «սովորել ավտոմեքենա վարել»: Պարզվել է, որ դրանում ոչ մի արտասովոր բան չկա: Վուդլին հաճախ է նրա հետ գտնվել ճանապարհորդությունների ժամանակ` հետևելով ղեկի շարժումներին, որից հետո սկսել է դրանք նույնությամբ կրկնել: Նա նաև սովորել է ավտոբուսը հանել ձեռքի արգելակից:
Պարզվել է, որ Վուդլին առաջին անգամ չէ, որ վարում է երկհարկանի ավտոբուսը: Երբ երթևեկության ժամանակ ուղևորը փորձել է ընթացի մեջ նստել ավտոբուս, չորքոտանի «վարորդը» արգելակել է: Մեքենան կանգնել է, ուղևորը նստել է, որից հետո ավտոբուսը շարժվել է և արագություն հավաքել:
