Իրանական Mehr News լրատվական գործակալության փոխանցմամբ՝ Իրանի արտգործնախարար Ալի Աքբար Սալեհին հայտարարել է, որ Իրանը Ռուսաստանի հետ բանակցություններ է վարում՝ իր միջուկային ծրագրի շուրջ Արևմուտքի հետ վեճի լուծումը գտնելու շուրջ.
«Մենք մշտապես շփման մեջ ենք ռուս չինովնիկների հետ: Իրանական կողմը ողջունում է հուլիսի 13-ին Ռուսաստանի առաջ քաշած «քայլ առ քայլ պլանը», ինչն արդար ժեստ է։ Այն Իրանին հնարավորություն ընձեռեց հերթականությամբ պատասխանել իր միջուկային ծրագրին առնչվող հարցերին՝ պատժամիջոցների աստիճանական մեղմացման դիմաց։ Սակայն այդ պլանը պետք է արտացոլի նաև մեր հայացքները։ Մենք առաջ ենք քաշել մեր առաջարկները, մանրամասն դրանք քննարկել ենք ռուսների հետ, և նրանք ընդունել են դրանք»։
Հիշեցնենք, որ ներկայումս Թեհրանը Մոսկվային առաջարկել է իր երկրում կառուցել 2 միջուկային լաբորատորիա և 5 նոր ատոմակայան։ Դրանցից առաջինի նախագիծը գնահատվում է 7 միլիարդ դոլար, իսկ երկրորդինը՝ 40 միլիարդ դոլար։
Բացի այդ, Իրանը Ռուսաստանին առաջարկել է նոր բլոկներ կառուցել այս տարվա սեպտեմբերի 12-ին շահագործման հանձնված Բուշեհրի ատոմակայանի համար։
