Ս.թ. նոյեմբերի 1-ին Երևանի պետական ճարտարագիտական համալսարանի գրադարանային սրահում տեղ է ունեցել ՀՀ դատավորների թեկնածությունների ցուցակի համալրման նպատակով անցկացվող որակավորման ստուգումը: Մասնագիտական որակավորման ստուգումն անց է կացվել երեք մասնագիտացումներով` քաղաքացիական, քրեական և վարչական:
Մասնագիտական որակավորման ստուգմանը մասնակցելու հայտ է ներկայացրել 103 հավակնորդ, այդ թվում` 66-ը` քաղաքացիական, 25-ը` քրեական, 12-ը` վարչական մասնագիտացմամբ:
Քննության ընթացքում յուրաքանչյուր հավակնորդի առաջարկվել է երկու խնդիր: Խնդիրների գնահատման ժամանակ հաշվի են առնվելու իրավական գիտելիքները, վերլուծական միտքը, իրավաբանական գրավոր խոսքի սահունությունը և քննական խնդրի լուծումը:
Ստուգման արդյունքները կհրապարակվեն ՀՀ դատական դպրոցի կառավարման խորհրդի կողմից սահմանված ժամկետում:
