Ադրբեջանական APA լրատվական գործակալության փոխանցմամբ՝ Ռուսաստանի ԱԳՆ-ի պաշտոնական ներկայացուցիչ Ալեքսանդր Լուկաշևիչն այսօր տեղի ունեցած ճեպազրույցի ժամանակ հայտարարել է, որ Ռուսաստանի միջնորդությամբ պլանավորված չէ Հայաստանի ու Ադրբեջանի նախագահների հանդիպում։
Լուկաշևիչը մասնավորեցրել է, որ մինչև տարեվերջ պլանավորված չէ Ռուսաստանի միջնորդությամբ ո՛չ երկու երկրների նախագահների մակարդակով հանդիպում, ո՛չ էլ արտգործնախարարների մակարդակով հանդիպում։
Լուկաշևիչը հայտնել է, որ ԵԱՀԿ Մինսկի խմբի համանախագահներն ակտիվորեն բանակցում են ղարաբաղյան հակամարտության կարգավորման ուղղությամբ. «Որոշ ժամանակ առաջ՝ «Արևելյան գործընկերության» գագաթնաժողովի ժամանակ, համանախագահները հանդիպեցին երկու երկրների նախագահների հետ։ Այդ ամենն ազդում է հակամարտության կարգավորման ուղղությամբ տարվող քայլերի դինամիկայի վրա»։
