Հայաստանի Ատոմային Էլեկտրակայանի աշխատողների մի խումբ, բազմամյա աշխատանքնային փորձ ունեցող մասնագետներս ցանկանում ենք Ձեզ տեղեկացնել մեր ԱԷԿ-ում տիրող անառողջ, ճղճիմ և անարադար մթնոլորտի մասին: Ատոմակայանի գլխավոր ինժեներ Մովսես Վարդանյանը չարաշահելով իր պաշտոնական դիրքը, կամայականորեն, առանց հաշվի առնելու աշխատակիցների մասնագիտական ունակությունները և հաշվի չառնելով ատոմակայանի անվտանգության ապահովման անհրաժեշտությունը, աշխատանքի է ընդունում և պաշտոն տալիս ըստ իր կամայականության:
Խախտելով օրենքը` աշխատանքի է ընդունել իր նորաթուխ, բակալավրի կրթություն ունեցող փեսա Հայկ Արմենի Գալստյանին, որն ամեն անկյունում պատմում է բոլորին, որ իր ՚հզորՙ աները շուտով իրեն նշանակելու է մի պաշտոնում, որը զբաղեցնում են մեր բազմամյա փորձ ունեցող մասնագետները, և, որ շուտով մեր ներկայիս տնօրեն պարոն Մարկոսյանին հեռացնելու են աշխատանքից, որպես անարժան և անգրագետ մասնագետի և փոխարենը նշանակելու են իր աներոջը` Մովսես Վարդանյանին:
Ճապոնական ԱԷԿ-ների վթարներից հետո ՄԱԳԱՏԷ-ն և այլ կազմակերպություններ մեծ դրամական միջոցներ են տրամադրում Հայաստանյան ԱԷԿ-ը վերազինելու և նրա անվտանգությունն առավել ապահով դարձնելու համար: Սա մեր հանրապետության և հայ ազգի համար ճակատագրական հարց է: Մեր ԱԷԿ-ը պետք է զինված լինի իրական մասնագետներով և նվիրյալներով, որպեսզի կարողանա դիմակայել ցանկացած փորձության: ԱԷԿ-ի անվտանգության ապահովման համար ստացվող գումարները շորթվում են Մովսես Վարդանյանի կողմից և անարդար բաշխվում անգրագետ, աշխատանքային փորձ չունեցող փեսային և իր մյուս բարեկամներին:
Պահանջում ենք անցկացնել ատեստավորում, որի արդար անցկացման դեպքում, առաջիններից մեկը որպես անգրագետ դուրս կմնա Հայկ Գալստյանը և իր նման հովանավորվողները:
Խնդրում ենք Ձեզ ազատել մեզ բռի, թալանչի Մովսես Վարդանյանից և նրա նմաններից, որոնք մեր երկրի համար խիստ ռազմավարական նշանակություն ունեցող ԱԷԿ-ում անառողջ մթնոլորտի պատճառն են:
Մեր պահանջը չբավարարելու, վերը նշված փաստերը չուսումնասիրելու և համարժեք գործընթաց չձեռնարկելու դեպքում` մենք կդիմենք վերին ատյաններին և ՄԱԳԱՏԷ-ին, որոնց փաստերով կներկայացնենք Մովսես Վարդանյանի թալանի, վերջին տարիներին միանգամից մեծ կարողությունների տեր դառնալու և անարժան պահվածքի մասին:
ԱԷԿ-ի մի խումբ աշխատակիցներ
Սույն նամակն ուղարկվել է.
ՀՀ Նախագահի աշխատակազմ
ՀՀ Վարչապետին
ՀՀ Էներգետիկային նախարարություն
ՀՀ Ատոմակայանի տնօրինությանը
ՀՀ Էկոնոմիկայի նախարարություն
ՀՀ Ֆինանսների նախարարություն
ՀՀ Վերահսկողության պալատ
Ռուս Ատոմ-ի տնօրեն պարոն Կիրիենկոյին, Մոսկվա
ՄԱԳԱՏԵ-ի Եվրոպական գրասենյակներ
ՀՀ ԶԼՄ-ներին
