Ամերիկյան «NBC» հեռուստաընկերությունը հայտնում է, որ Ամերիկայի Միացյալ Նահանգների նախագահ Ջո Բայդենը Ուկրաինայի նախագահ Վլադիմիր Զելենսկիին խոստացել է փոքր քանակությամբ հեռահար «ATACAMS» հրթիռներ։
Հեռուստաընկերության տվյալներով՝ այս մասին իրենց հայտնել են երեք ամերիկացի բարձրաստիճան պաշտոնյաներ եւ Կոնգրեսի մեկ աշխատակից։
Այս տեղեկությունը դեռ պաշտոնապես չի հաստատվել։ Տեղեկություններ չկան, թե Ուկրաինան երբ կստանա այդ զենքերը։
Ուկրաինայի իշխանությունները ամիսներ շարունակ պահանջում են փոխանցել ATACAMS հրթիռները։ Այս հրթիռների գործողության շառավիղը մոտ 300 կիլոմետր է։
