Ֆրանսիայի մի քանի քաղաքներում կրկին զանգվածային բողոքի ցույցեր են տեղի ունեցել ընդունված կենսաթոշակային բարեփոխումների դեմ։ Լույս մարտի 22-ի գիշերը Փարիզում 46 մարդ է ձերբակալվել․ հայտնում են ֆրանսիական ԶԼՄ-ները։
Ցուցարարները ճայթրուկներ են նետել ոստիկանների ուղղությամբ և հրկիզել աղբամաններ և մոտորային սկուտերներ։ Իր հերթին, ոստիկանությունն արցունքաբեր գազ է կիրառել ցուցարարների ուղղությամբ։ «Le Parisien» թերթի փոխանցմամբ՝ բազմահազարանոց ցույցեր են տեղի ունեցել Լիլում, Գրենոբլում, Ռենում, Նանտում և Լե Մանում։
