Այսօր՝ օգոստոսի 12-ին, խոշոր ավտովթար է տեղի ունեցել Սյունիքի մարզում: Ժամը 18:30–ի սահմաններում Վերին Խոտանան բնակավայրի ավտոմայրուղում բախվել են Սյունիքի մարզի բնակիչներ, 36-ամյա Էրիկ Ս.-ի վարած Nissan Pathfinder մակնիշի և 21-ամյա Տիգրան Ա.-ի վարած ВАЗ 2107 մակնիշի ավտոմեքենաները:
Ինչպես հայտնում է ֆոտոլրագրող Գագիկ Շամշյանը, բախման հետևանքով 07-ը կողաշրջվել է, իսկ նրա ուղևոր, Սյունիքի մարզի բնակիչ, 21-ամյա Էդգար Հ.-ն մարմնական վնասվածքներով տեղափոխվել է Կապանի բժշկական կենտրոն:
Օպերատիվորեն դեպքի վայր են ժամանել ճանապարհային ոստիկանության 2-րդ սպայական գումարտակի 6-րդ վաշտի 2-րդ դասակի ծառայողները՝ վաշտի հրամանատար Վաչե Ալավերդյանի, դասակի հրամանատար Արմեն Սարգսյանի գլխավորությամբ:
Վթարի մասին ՃՈ 177 օպերատիվ կառավարման կենտրոնի պատասխանատու հերթապահ Երվանդ Ալեքսանյանը տեղեկությոնը փոխանցել է Հայաստանի քննչական կոմիտեի Սյունիք մարզային քննչական վարչություն, որտեղից ժամանել է քննչական խումբը՝ օրվա հերթապահ քննիչի գլխավորությամբ, ում կողմից նախաձեռնվել է վարույթ:
