«Անջատում հանուն փրկության»․ Մեր իշխանությունը կարծես ասաց ու մոռացավ սրա մասին։ Հիմա ի՞նչ։ Սպասում ենք, որ հայ-ադրբեջանական բանակցային գործընթացը մեկնարկի՞, որ կարողանանք սեղանի վրա դնել «Անջատում հանուն փրկության» սկզբունքը, թե կան հաշվարկներ, որ սրանից Բաքուն ավելի կնեղսրտի ու ավելի լավ է դրա մասին չխոսել։ Ի վերջո, պետք է դադարել անհանգստանալ, թե ինչպես կվերաբերվի թշնամին մեր այս կամ այն նախաձեռնությանը, քանի որ մենք պայքար ունենք մղելու Արցախում ապրող մեր հայրենակիցների կյանքի, անվտանգության և մյուս կենսական իրավունքները պաշտպանելու համար։ Հավանական է արդյոք հասնել հաջողության հենց այս սկզբունքի վրա հիմնվելով։ Թեմայի շուրջ «Առաջին լրատվական»-ը զրուցել է Մարդու իրավունքների միջազգային եպրոպական դատարանում ՀՀ ներկայացուցիչ Եղիշե Կիրակոսյանի հետ, ով նշեց, որ «Անջատում հանուն փրկության»-ը ինքնորոշման իրավունք է հանուն պաշտպանության, որն էլ Արցախի պարագայում անհրաժեշտ ուղղություն է:
Կիրակոսյանի փոխանցմամբ՝ ընդդեմ Ադրբեջանի միջանկյալ միջոց կիրառելու պահանջով Արցախում վերջին զարգացումների հետ կապված դիմել են ՄԻԵԴ:
Եղիշե Կիրակոսյանը միջազգային իրավունքի գործիքի կիրառումը Հայաստանի համար կենսական անհրաժեշտություն է համարում․ «Միջազգային իրավունքի երկակի ստանդարտներից խուսափելու համար հետևողական աշխատանք է պետք»: