Պատերազմն ընթանում է ոչ միայն Ուկրաինայի տարածքում, հողում, ջրում ու երկնքում, այլև համացանցում։ Տեղեկատվական պատերազմը դարձել է մերօրյա պատերազմների գործի ուղիղ կեսը։ Իրավիճակն այնքան է խճճվել առցանց տիրույթում, որ անգամ Պավել Դուրովը՝ Տելեգրամի հիմնադիրը, առավոտյան մի քանի հայտարարություն էր արել, նախ ասելով, որ պատրաստվում է սահմանափակել տելեգրամի հզորությունները հակամարտող կողմերի համար, ապա ուղղակի զգուշացրել, որ տելեգրամ օգտատերերը ֆիլտրացնեն ամեն բան, ինչ կարդում են ալիքներում։ Ռուսական մեդիայի համար խնդիրներ են ստեղծում Գուգլը, Յութուբը և մյուս խոշոր միջազգային ռեսուրսները։
Սահմանափակվում կամ փակվում են Ռուսական պետական գործակալությունների միլիոնավոր լսարաններ ունեցող պաշտոնական էջերն ու հաշիվները։ Մի շարք երկրներ առհասարակ արգելել են իրենց երկրներում Russia Today և Սպուտնիկ գործակալությունների հեռարձակումը։ Այս ֆոնին չափազանց կարևոր է, որ Հայաստանի օգտատերերը ևս չտրվեն մեկ կամ մյուս կողմի տեղեկատվական մանիպուլյացիաներին ու հետևեն օբյեկտիվ հոսքերին։ Երեկ Հայաստռանի հեռուստառադիո հանձնաժողովի նախագահ Տիգրան Հակոբյանն էր հայտարարություն տարածել, որի հետ տեսակապով հարցազրույցը առաջարկում ենք դիտել ստորև:
