Օսլոյի բնակարաններից մեկում պատահաբար մոտ տաս տարի առաջ մահացած տղամարդու դին են հայտնաբերել, հարազատներից ոչ ոք նրան չի փնտրել: Այս մասին հաղորդել է NRK հեռուստաընկերությունը:
Այժմ իրավապահ մարմինները փորձում են պարզել, թե ինչպես է պատահել, որ տղամարդն այնքան է մեկուսացել հասարակությունից, որ նույնիսկ նրա հարազատները ոստիկանություն չեն դիմել նրա անհետացման փաստով, իսկ հարևանները ուշադրություն չեն դարձրել, որ տղամարդը չի հայտնվում տանը:
Ոստիկանության տվյալներով, տղամարդն, ամենայն հավանականությամբ, մահացել է 2011թ.-ի ապրիլին, քանի որ նրա բնակարանում գտնվող սեղանին այդ ամսաթվով կաթի տուփ է հայտնաբերվել: Բացի այդ, փոստարկղում 2013թ.-ի նամակագրություն է հայտնաբերվել:
«Տղամարդուն հայտնաբերել է դռնապանը. անհրաժեշտ է եղել ինչ-որ աշխատանքներ իրականացնել, մասնավորապես` ստուգել հրդեհային ազդանշանը: Ինչպես ցույց է տվել փորձաքննությունը, տղամարդու մահը քրեական բնույթ չունի»,- նշել է գերատեսչությունը:
Բացի այդ, ըստ հարևանների, տղամարդը հազվադեպ ու դժկամորեն է շփվել օտարների հետ, մեկուսացած կյանք է վարել, ընտանիքի հետ շփում չի ունեցել:
