Իրանը պատրաստվում է Եվրասիական տնտեսական միության մշտական անդամ դառնալ: Այս մասին հայտարարել է Իսլամական Հանրապետության Մեջլիսի խոսնակը: Հիշեցնենք, որ 2018 թվականի մայիսին Եվրասիական տնտեսական միությունը և Իրանը համաձայնագիր ստորագրեցին, որով ԵԱՏՄ անդամ երկրների և Իրանի միջև արտահանված ապրանքների մաքսատուրքերը ժամանակավորապես իջեցվում կամ վերացվում էին սահմանափակ քանակով ապրանքների համար: Ինչո՞ւ Իրանը հանգեց նման որոշման, ի՞նչ քաղաքական կոմպոնենտ է պարունակում այն, հնարավո՞ր է, որ առաջիկայում նման որոշման հանգի նաև Ադրբեջանը: Այս և տարածաշրջանային կարևորության մի շարք հարցեր «Առաջին Լրատվական»-ը քննարկել է արևելագետ Արմեն Պետրոսյանի հետ:
Մեր զրուցակիցը կարծում է, որ Իրանը, հաշվարկելով թուրք-ադրբեջանական ընդհանուր սպառնալիքի հետ կապված վտանգները, փորձում է հավասարակշռող միջավայր ձևավորել: «Իրանի կողմից հստակ քայլեր են իրականացվում՝ բալանսավորելու մեր տարածաշրջանում ձևավորված նոր իրողությունները, որոնք հստակ անհավասարակշռության պայմաններում թուրք-ադրբեջանական կողմի օգտին են»:
Արմեն Պետրոսյանի խոսքով՝ Ադրբեջանը ԵԱՏՄ-ին անդամակցելու որոշման կարող է հանգել՝ ելնելով քաղաքական նպատակներից: «Կարծում եմ, որ Թուրքիայի հավակնությունների պայմաններում չի բացառվում, որ թուրքական կողմը հանդես կգա նմանատիպ տնտեսական կառույցի ձևավորման նախաձեռնությամբ, որին կանդամակցեն թյուրքական պետությունները… Չի կարելի նաև բացառել՝ հաշվի առնելով ոչ միայն Ադրբեջան պետության, այլ նաև իշխող վարչակարգի քաղաքական շահերը: Չի բացառվում, որ վարչակարգը փրկելու համար Ալիևը գնա նման քայլի և վերադարձնի Ռուսաստանի ազդեցությունը»:
Առավել մանրամասն՝ տեսանյութում:
