Ավստրալիայի իշխանությունները նոյեմբերի 19-ին հայտարարել են, որ այժմյան եւ նախկին 19 զինծառայողների հնարավոր քրեական հետապնդման են հանձնելու 39 աֆղանցի բնակիչների ենթադրյալ սպանության համար, որոնց մեծ մասը գերի Է վերցվել անզենը: Անցկացվող հետաքննությունը վերաբերում Է Աֆղանստանում 2005-ից մինչեւ 2016 թվականներին Ավստրալիայի հատուկ նշանակության ուժերի գործողություններին: Ավստրալացի գեներալ Ագնուս Քեմփբելը հայտարարել Է, որ առկա Է հավաստի տեղեկատվություն այն մասին, որ այդ բոլոր սպանությունները կատարվել են «ոչ մարտերի դաշտերում»:
«Դա վկայում Է ռազմական գործելակերպի եւ մասնագիտական արժեքների ամենալուրջ խախտումների մասին»,-Քեմփբելը լրագրողներին ասել Է Կանբերայում: Նրա խոսքով՝ «քաղաքացիական անձանց եւ բանտարկյալների անօրինական սպանությունները երբեք ընդունելի չեն եղել»: Գեներալը հայտնել Է, որ Ավստրալիայի այժմյան եւ նախկին 19 զինծառայողների գործերն առաջիկայում կհանձնվեն նշանակված հատուկ քննիչի, որպեսզի որոշվի, թե ապացույցները բավարար են արդյոք դատական հետապնդման համար, հաղորդել Է «Ինտերֆաքս»-ը:
