«Այս պատերազմը տարբերվում է մինչ այդ տեղի ունեցած պատերազմներից»,- Առաջին լրատվական»-ի հետ զրույցում ասաց Արցախի ԱԺ նախագահ Արթուր Թովմասյանը՝ հավելելով, որ, իհարկե, բոլոր պատերազմներն էլ ուղեղի պատերազմ են:
Նրա խոսքով՝ այս պատերազմը տարբերվում է խիստ, գրագետ, ուղեղով ընդգծված պատերազմ վարելով. «Ուզում եմ հավաստիացնել մեր հայրենակիցներին, որ Արցախի նախագահ, գերագույն գլխավոր հրամանատար Արայիկ Հարությունյանի գլխավորությամբ` իրոք մենք այդ պատերազմը տանում ենք մտածված, որպեսզի ամեն մի օպերացիայի հետևանքով ունենանք ավելի քիչ կորուստներ»:
Արցախի ԱԺ նախագահը կարծում է, որ այս պատերազմին Ադրբեջանի նախագահ Ալիևին արկածախնդրության գնալ ստիպել է Թուրքիայի ռազմաքաղաքական ղեկավարությունը, թեև մինչ այդ էլ` 2016-ի ապրիլին և հուլիսին տավուշյան իրադարձությունների ժամանակ նա դիմել էր արկածախնդրության. «Ինչևէ, ես Ադրբեջանում իշխանափոխության երկու տարբերակ եմ տեսնում»:
Մանրամասն` տեսանյութում:
