Չինաստանը և Ռուսաստանը Միացյալ Նահանգների համար գլխավոր ռազմավարական ախոյաններն են: Սեպտեմբերի 16-ին այդ մասին հայտարարել է Պենտագոնի ղեկավար Մարկ Էսփերն ԱՄՆ-ի RAND ոչ առևտրային կազմակերպությունում ունեցած ելույթի ժամանակ:
«Այսօր մեծ տերությունների մրցակցության դարաշրջանում պաշտպանության նախարարությունը Չինաստանն ու Ռուսաստանը սահմանել է գլխավոր ռազմավարական ախոյաններ: Էսփերը, որի խոսքը բերված Է Պենտագոնի կողմից տարածված հայտարարության մեջ, պնդում է, որ «ռևիզիոնիստական տերություններն օգտագործում են գիշատչական տնտեսական մեթոդներ, վարում քայքայիչ քաղաքական գործունեություն և գործադրում են ռազմական ուժ, որպեսզի ուժերի հավասարակշռությունը փոխեն հօգուտ իրենց, հաճախ ուրիշների հաշվին»:
ԱՄՆ-ի պաշտպանական գերատեսչության ղեկավարը քննադատել է չինական «Մեկ գոտի – մեկ ուղի» տնտեսական նախաձեռնությունը:
Նրա խոսքով՝ այդ ծրագրի իրականացումը հանգեցրել Է «վիթխարի պարտքերի կուտակման ավելի թույլ երկրների կողմից, ինչի հետևանքով նրանք հարկադրված են տնտեսական օգնության դիմելու (Պեկինին) ինքնիշխանության փոխարեն»: Բացի դրանից, նա ուշադրություն է հրավրել ՉԺՀ-ի իշխանությունների ակտիվությանը Հարավչինական և Արևելաչինական ծովերում:
Նա հավելել է, որ «Ռուսաստանը վերաձևում Է միջազգային սահմանները»՝ հիշատակելով Վրաստանի իրադրությունը 2008 թվականին և Ղրիմի վերամիավորումը Ռուսաստանի հետ: Էսփերը պնդում է, որ Ռուսաստանն ու Չինաստանն «արդիականացնում են զինված ուժերը՝ մեծացնելով հնարավորությունները տիզերքում և կիբեռտարածությունում՝ մյուս պետությունների վրա ճնշում գործադրելու նպատակով»։