Վարչապետ Նիկոլ Փաշինյանը քննարկում է իրականացրել Կոռուպցիայի կանխարգելման հանձնաժողովի ներկայացուցիչների հետ, վաչապետն ասել է, որ ամենաբարձր նշաձողը պետք է դնել և աշխատանքը շարունակել այդ ուղղությամբ: Կոռուպցիայի դեմ պայքարում կարծես թե կառավարության կամքը կա, բայց արդյո՞ք կան նաևք տեսանելի արդյունքներ: «Առաջին լրատվական»-ի հետ այս և այլ թեմաների շուրջ քննարկմանը մասնակցեցին քաղաքագետներ Արմեն Հովհաննիսյանը և Արեգ Քոչինյանը:
Արմեն Հովհաննիսյանի դիտարկմամբ՝ կոռուպցիայի դեմ պայքարի տեսանելի արդյունքներ կան: «Պրիմիտիվ կաշառակերության ձևերը գրեթե վերացել են, բայց դա չի նշանակում, որ կոռուպցիա չկա, այլ խնդիր է՝ կոռուպցիոն բուրգ կա, թե չկա: Մեր երկիրը կառուցված է եղել կոռուպցիոն բուրգի վրա, սակայն հիմա, ես հավատում եմ, որ կոռուպցիոն հին բուրգը չի գործում և նպատակ չկա ձևավորելու կոռուպցիոն նոր բուրգ: Կոռուպցիան միայն կաշառակերությունը չէ, այլ այն բազմաբնույթ երևույթ է՝ սկսած քավոր-ծանոթ-բարեկամ երևույթից, վերջացրած քաղաքացիների իրավահավասարությունը խախտող երևույթներ և գանձագողություն… Արդյոք պետական բյուջեի գումարները ծախսվում են այն նպատակի համար, ինչի համար նախատեսված են. կարծում եմ այդպիսի երևույթներ ակնհայտ չկան, ես հավատում եմ, որ կոռուպցիոն բուրգ չկա: Կոռուպցիայի դեմ պայքարը նախատեսում է նաև ինստիտուցիոնալ որոշումներ»:
«Լուսավոր Հայաստան» կուսակցության նախագահ Էդմոն Մարուքյանն օրերս հայտարարություն է արել, որ «Նիկոլ Փաշինյանն իր առքելությունն ավարտել է, նա տնտեսությունից ոչինչ չի հասկանում և պետք է հեռանա, և ԼՀԿ-ն կարող է գալ և երկիրը ճգնաժամից դուրս բերել»: Անդրադառնալով այս դիտարկմանը՝ Արեգ Քոչինյանը նշեց, որ դա կլասիկ ընդդիմադիր գործչի քաղաքական հայտարարություն է. «Ցանկացած ուժ իր առջև պետք է դնի իշխանություն դառնալ, բայց ԼՀԿ-ն չունի այդ ներուժը»:
Մանրամասն՝ տեսանյութում:
