Վրաստանում կորոնավիրուսային վարակի նոր դեպքեր են հայտնաբերվել: Թարմացված վիճակագրությունը հրապարակվել է ապրիլի 23-ի առավոտյան Stopcov.ge կայքում:
Հաղորդվում է, որ SARS-CoV-2-ով վարակի հայտնաբերված դեպքերի թիվն աճել է մինչև 420-ի: Բացի այդ, վիճակագրության մեջ նշվում են նաև արտերկրում COVID-19-ով վարակված երեք հիվանդներ, որոնք վերադարձել են Վրաստան:
Թարմացվել են նաև նոր հիվանդությունից բուժվածների վերաբերյալ տվյալները. ընդհանուր առմամբ ապաքինվել է 107 հիվանդ, մահացել է հինգ մարդ: Կարանտինում է գտնվում 5223, իսկ հիվանդանոցում՝ 584 մարդ:
Ապրիլի 22-ի դրությամբ Վրաստանում վարակի նոր դեպքերի թիվն ավելացել է ութով և հասել 416-ի:
