Այսօր՝ ապրիլի 22-ին, Ազգային ժողովում հրավիրվել է արտահերթ նիստ: Օրակարգում Հարկային օրենսգրքում փոփոխություններն են, որի նպատակն է ճգնաժամի հետևանքների մեղմումը:
«Իմ քայլը» խմբակցության պատգամավոր Հռիփսիմե Գրիգորյանն իր խոսքն ուղղեց Հանրային հեռուստաընկերության աշխատակիցներին. «Տեղի է ունեցել տհաճ միջադեպ, և բնականաբար ստանձնվել է պատասխանատվություն, և այդպես էլ պիտի լիներ»:
Նրա խոսքով, սակայն, մի շարք անձինք և լրատվամիջոցներ տեղի ունեցածը ներկայացնում են իրենց համար հաճելի շեշտադրումներով և ընդհանրացնելով քննադատությունը` ուղղում են այն ամբողջ թիմին. «Ես, ընդհակառակը, ուզում եմ շնորհակալություն հայտնել Հանրայինի ողջ պրոֆեսիոնալ թիմին: Ես ուզում եմ ձեզ ասել, որ ձեր աշխատանքը բարձր մակարդակի է, և վստահ եմ, որ հանրությունը այն ևս գնահատում է»:
Մանրամասները՝ տեսանյութում:
