Այսօր՝ ապրիլի 13-ին, Ազգային ժողովում հրավիրվել է հատուկ նիստ: Օրակարգում հատուկ դրության ռեժիմը երկարաձգելու մասին հարցն է:
«Լուսավոր Հայաստան» խմբակցության ղեկավար Էդմոն Մարուքյանը նշեց, որ պարետն ընդունել է նորմատիվ իրավական ակտեր, ինչի իրավունքը չուներ:
Նա անդրադարձավ նաև վարձով ապրող մարդկանց տներից վտարելու խնդրին և ասաց. «Ոչ ոք չանդրադարձավ այդ հարցին»:
Անդրադառնալով կառավարության կողմից կոմունալ վարձավճարները փոխհատուցելու խնդրին` Մարուքյանն ասաց. «Մեր տվյալներով` կես միլիոնից մոտավորապես 20 հազար ընտանիք է, որ 10 հազարից քիչ գազ է ծախսում: Խնդրում եմ հստակ ասեք` քանի ընտանիքի վրա է սա տարածվում»:
Նա ներկայացրեց նաև իրենց խմբակցության առաջարկները. «Առաջարկում ենք թույլ տալ մետրոյի և ավտոբուսների աշխատանքը: Տաքսին ավելի մեծ ռիսկ է, քան մետրոն կամ ավտոբուսը»:
Մարուքյանը խոսեց նաև կալավորներին պարտադիր զբոսանքի դուրս բերելու անհրաժեշտության մասին
Մանրամասները՝ տեսանյութում:
