«Նախ պետք է ասեմ, որ գյուղատնտեսությունը փայլուն վիճակում չի գտնվում: Այստեղ շատ վատ միտումներ կան, այն ռեպրեսիայի մեջ է, և սա պետք է արձանագրենք: Երկրորդ՝ ուղղակի ներդրումներն իջել են: Ես սպասում եմ ապրիլի 5-ին, որպեսզի տարվա կտրվածքով պատկերն ամբողջական լինի: Ուզում եմ նաև նշել, որ երբ խոսում են օտարերկրյա ուղղակի ներդրումների մասին, ասում են, որ ոչ թե ուղղակի, այլ ընդհանուր ներդրումների աճ ունենք: Բայց պետք է հասկանալ՝ ինչ է արձանագրված այդ ընդհանուրի մեջ: Արձանագրված է այն, որ, օրինակ, եթե ապրանք եք գնում, իրացնում, այդ ապրանքի դիմաց Ձեզ վճարում են: Հիմա սա ներդրու՞մ է: Իհարկե ոչ: Կան բաներ, որոնք տնտեսագիտական որոշակի հմտություններ ու գիտելիքներ են պահանջում, որպեսզի մենք կարողանանաք տարբերակել՝ գրված անունը բովանդակությանը համապատասխանում է, թե ոչ: Ի վերջո ամենակարևորը՝ մենք, դուք, մարզերում հատկապես իրենց մաշկի վրա զգու՞մ են այդ տնտեսական աճը: Ճանապարհներ վերանորոգում են, կառուցվում են, բայց ի վերջո ծննդատներ են փակվում, սպանդանոցների խնդիրը կա, հեռու ենք այն բանից, որ կարող ենք ասել՝ թոշակի համապատասխանում է:»,- «Առաջին լրատվական»-ի հետ զրույցում ասաց ԱԺ ԲՀԿ խմբակցության պատգամավոր Միքայել Մելքումյանը: